![](https://kallxo.com/wp-content/uploads/2022/05/Shiriti-i-Policise-se-Kosoves1-640x480.jpg)
Policia jep detaje për personin që u gjet i vdekur te penda e Liqenit të Livoqit
16.6.2024 - 08:41
Një burrë është gjetur pa shenja jete tek penda e liqenit të Livoqit dje, më 15.06.2024 rreth orës 12:45.
Policia e Kosovës bën të ditur përmes raportit policor se ende nuk është identifikuar viktima.
Rasti po hetohet si vdekje e dyshuar.
Vdekja e tij është konstatuar nga ekipi mjekësor.
Me vendim të prokurorit, trupi i pajetë është dërguar për obduksion në Institutin e Mjekësisë Ligjore.
Zëdhënësi i Policisë për rajonin e Gjilanit, Valon Osmani tha dje se “hetues rajonal në bashkëpunim me prokurorin e shtetit kanë ndërmarrë të gjitha veprimet hetimore në sqarim dhe ndriçim të rrethanave të rastit”.
Gjendet një burrë pa shenja jete tek penda e Liqenit të Livoqit