Përkeqësohet gjendja e Rada Trajkoviqit, transferohet në spital
Rada Trajkoviqit, këshilltare e ministrit për Komunitete dhe Kthim në Qeverinë e Kosovës, Nenad Rashiq, i është përkeqësuar gjendja shëndetësore përderisa gjendej në ndalim në pikën kufitare në Merdarë.
Kështu ka bërë të ditur vajza e saj, e cila tha se Trajkoviq është dërguar me ambulancë në Spital në Prokuple.
“Mami sapo është transferuar me ambulancë në Prokuple, pasi shëndeti i saj është përkeqësuar papritur. Ekzaminimi tregon shenja të hershme të pneumonisë. Ne e vlerësojmë mbështetjen tuaj dhe do t’ju mbajmë të përditësuar për statusin e saj”- thuhet në postim.
Trajkoviq dje gjatë ditës ka thënë se është ndaluar në pikën kufitare në Merdarë nga policia serbe.
Sipas saj, dokumentet i janë marrë dhe nuk po lejohet të hyjë në Kosovë.
Ditë më parë, Rada Trajkoviq, u emërua këshilltare e ministrit për Komunitete dhe Kthim, Nenad Rashiq.
Sot, në një konferencë për media foli edhe vetë Rashiq. Ai kërkoi nga ekzekutivi që t’i shkruajë vendeve të QUINT-it për lirimin e këshilltares së tij, Rada Trajkoviqit.
Ovu poruku piše ćerka Rade Trajković.
Mama je upravo prebačena sanitetskim vozilom u Prokuplje jer joj je zdravstveno stanje naglo pogoršano. Pregled pokazuje rane znake upale pluća.
Zahvaljujemo vam se na podršci i obaveštavaćemo vas o njenom stanju. pic.twitter.com/91k6Oe7CHV
— Rada Trajkovic (@trajkovic_rada) December 16, 2022
