Pamjet ekskluzive brenda kazinove në Karaçevë
Në emisionin e sotëm në “Drejtësia në Kosovë” u transmetua pjesa e parë e aksionit të ndërmarrë në fshatin Karaçevë në Komunën e Kamenicës për shkatërrimin e rrjetit të kazinove
Sonte u transmetuan pamjet se si kishte nisur i gjithë hetimi në zonën e njohur si të ‘paprekur’ që përfundoi me rrënimin e 13 objekteve të kazinove ilegale e arrestimin e 12 zyrtarëve policorë.
Ky aksion përfundoi edhe me mbi 30 të arrestuar të cilat dyshoheshin për kontrabandë e blerje dhe vënie në prodhim të produkteve të mishit të cilat dyshohen se ishin nga kafshët e kontrabanduara.
E gjitha nisi kur ekipi i KALLXO.com kishte pranuar informacione se po zhvilloheshin lojërat e fatit në zonën e Karaçevës ndërsa nuk mungonte as kontrabanda me kafshë.
Këto informacione u pranuar pak muaj pasi ish- Kryeministri Ramush Haradinaj me anë të një ligji kishte ndaluar
Në kazinon e parë të cilin ekipi i KALLXO.com kishte xhiruar, menaxhohej nga zyrtari policor Ferid Leci i arrestuar më 19 shtator nën dyshimin për mundësim kontrabande dhe organizim të lojërave të fatit.
Lokali në të cilën zhvilloheshin lojërat e fatit sipas dosjes së prokurorisë figuron në emër të policit Leci.
Në pamjet ekskluzive mund të ndiqni se edhe gjatë ditës zhvilloheshin lojërat e fatit, ndërsa ata që hynin brenda hasnin vetëm në dritat të cilat krijoheshin nga aparaturat e lojërave.
