Foto: Urim Krasniqi/KALLXO.com
Një i vdekur nga një vetaksident në Mitrovicë
17.8.2021 - 10:27
Një person ka vdekur në një vetaksident të ndodhur në Rrugën Nacionale, Leshak – Mitrovicë.
Ngjarja ka ndodhur gjatë ditës së djeshme, rreth orës 01:50.
Sipas Policisë së Kosovës, viktima për shkaqe të panjohura kishte humbur kontrollin e veturës.
I njëjti ishte përplasur me mbrojtëset metalike të rrugës.
Si pasoj e lëndimeve të marra drejtuesi i veturës ka ndërruar jetë.
Këtë e ka konstatuar ekipi mjekësor i cili së bashku me policinë kishin dalur në vendin e ngjarjes.
Me urdhër të prokurorit trupi i pajetë i viktimës u është liruar familjarëve për ceremoni varrimi.