Artan Venhari
Nis hetimi për aksidentin me paragllajd
Aksidenti i të shtunës me paragllajd që la një të vdekur dhe një të plagosur do të hetohet.
Komisioni për Hetimin e Aksidenteve dhe Incidenteve Aeronautike që vepron në kuadër të Zyrës së Kryeministrit ka marrë vendim per hapjen e hetimeve për vdekjen e Artan Venharit dhe lëndimin e një personi tjetër gjatë aksidentit në Prizren.
“Sipas Komisionit për Hetimin e Aksidenteve dhe Incidenteve Aeronautike, hetues përgjegjës është emëruar, Arben Dika. Në vendimin e marrë nga ky Komision, konstatohet se hetuesi përgjegjës ka për obligim që të përgatis një raport të detajuar, përfshirë rekomandimet lidhur me rastin” thuhet në njoftimin e Zyrës së Kryeministrit të Kosovës.
Artan Venhari gjeti vdekjen në një aksident gjatë lëshimit me paragllajd në Prizren të shtunën.
Venhari ka qenë edhe Zv/Auditor i Përgjithshëm i Kosovës dhe Zv/Menaxher i projektit DEMOS për përkrahje të Komunave të Kosovës.