Në nderim të viktimave ndizen qirinj në Deçan
27.11.2021 - 16:46
Në nderim të tre personave që u vranë mbrëmë në Gllogjan të Deçanit, sot janë ndezur qirinj në qendër të këtij qyteti.
Të pranishëm në këtë ceremoni shihen shumë qytetarë po ashtu edhe kryetari i kësaj komune, Bashkim Ramosaj e Ministri i PUnëve të Brendshmë, Xhelal Sveçla.
Mbrëmë kanë mbetur të vdekur tre persona pas sulmit me kallashnikov që i është berë një autobusi që po bartte nxënës.
Të vdekur kanë mbetur shoferi i autobusit dhe dy nxënës.
Sipas të dhënave zyrtare ende nuk dihen motivet që kanë çuar në kryerjen e këtij akti.
Po ashtu, sipas njoftimeve të fundit të Policisë së Kosovës ende nuk është arrestuar askush ndonëse janë kryer disa bastisje që në orët e para të mëngjesit.