Miliqeviq: KFOR-i është aty që të krijojë një 'tampon zonë' mes Policisë dhe qytetarëve
30.5.2023 - 23:31
Miodrag Miliqeviq nga organizata “Aktiv” në Mitrovicën Veriore ka thënë se janë fatkeqësi ngjarjet që kanë ndodhur në ditët e fundit në veri të Kosovës.
“Është fatkeqësi që kemi pa këtë dhunë dhe është diçka që shumica e jonë mendon që kjo ka ngelur në kohën e kaluar dhe tani jemi në një fazë ku mund të presim në planin politik të paktën një marrëveshje për normalizimin e marrëdhënieve. Por kjo që ka ndodhur dje është e palejueshme, KFOR-i është aty që të krijojë një tampon zonë mes Policisë dhe qytetarëve të Zveçanit dhe komunat e tjera”- ka thënë Miliqeviq.
Tutje, Miliqeviq ka konsideruar se problemi kyç i tensionimit të situatës ishte vendosja e Policisë Speciale në veri.