Masat e reja kundër COVID-19 të propozuara nga IKSHP
Drejtori i Institutit Kombëtar të Shëndetësisë Publike, Naser Ramdani në një intervistë mbrëmë në T7 ka thënë se institucioni që ai drejton ka rekomanduar masa të reja kundër COVID-19.
Ramadani tha se këto masa pritet që gjatë kësaj jave të fillojnë aplikimin.
Disa nga masat e reja kundër coronavirusit janë:
Do të kërkohet testi PCR ose vetizolimi 7 ditë nga persona që hyjnë në Kosovë
Të ndalohet grumbullimi i njerzëve më shumë se 5 persona në sheshet publike, parqe dhe të ngjashme
Në sektorin e gastronomisë, tavolinat të jenë në distancë prej 2 metra
Të obligohen qytetarët që në çdo institucion të bartin maskat e tyre, si dhe në vendet e tyre të punës
Të përgjysmohet kapaciteti i autobusëve dhe të mos pranojnë udhëtarë të cilët nuk kanë maska
Të ndalohen aktivitetet rekreative kulturore në ambiente të mbyllra dhe të hapura ndërsa fitneset, pishinat dhe sportet individuale do të zhvillohen në përputhje me Manualin për mbrojtje nga COVID-19.