Kuvendi miraton buxhetin për Komisionin Hetimor në sektorin e energjisë për periudhën 2006-2022
21.7.2022 - 11:29
Me 87 vota për asnjë kundër dhe një abstenim, Kuvendi i Kosovës ka miratuar buxhetin e Komisionit Hetimor Parlamentar lidhur me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv rregullator dhe në ndërmarrje publike.
Sipas kryetarit të Kuvendit, Glauk Konjufca ky buxhet përfshinë një vlerë prej 23 mijë e 720 euro.
Kuvendi gjithashtu ka miratuar me 83 vota Projektligjin për ratifikimin e Traktatit mbi Ndihmën e ndërsjellë juridike në çështjet penale ndërmjet Qeverisë së Republikës së Kosovës dhe Konfederatës Zvicerane.