Kryeministri Kurti shtron iftar për myftiun Tërnava
Kryeministri Albin Kurti ka shtruar iftar për drejtuesit e Bashkësisë Islame të Kosovës për nder të muajit të Ramazanit.
Në këtë iftar kryeministri ka qenë i shoqëruar nga ministri i Kulturës, Hajrulla Çeku.
Kurti gjatë iftarit me myftiun Naim Tërnava dhe bashkëpunëtorët e tij u ka uruar besimtarëve myslimanë agjërim sa më të lehtë.
“Muaji Ramazanit është muaj i devotshmërisë, mirësjelljes me njerëzit përreth dhe ndihmës për atë në nevojë. Në iftare të përbashkëta si sonte përcjellim mesazhin e tolerancës, solidaritetit dhe mirësisë”- thuhet në komunikatën e Zyrës së Kryeministrit.
Muaji i Ramazanit ka filluar me 23 mars dhe përfundon me festen e Bajramit më 21 prill.
Besimtarët myslimanë gjatë këtij muaji agjërojnë nga lindja e diellit deri në perëndimin e diellit.