Foto: Urim Krasniqi/KALLXO.com
KQZ-ja kufizon numrin e vëzhguesve
15.10.2021 - 13:47
Komisioni Qendror i Zgjedhjeve ka marr vendim për kufizimin e numrit të vëzhguesve, duke lejuar vetëm nga një vëzhgues për subjektet politike apo organizatat e akredituara për zgjedhjet e 17 tetorit.
Sipas KQZ-së nga ky vendim bëjnë përjashtim ekipet mobile të vëzhguesve të akredituara nga organizatat ndërkombëtare dhe misionet diplomatike.
“Obligohet Zyra për Regjistrimin e Partive Politike dhe Certifikim t’i njoftoj me këtë vendim subjektet politike dhe organizatat që kanë akredituar vëzhgues”, thuhet në njoftim.
Gjithashtu në bazë të këtij vendimi obligohet Sekretariati i KQZ-së që përmes trupave zgjedhor KKZ-të dhe KVV-të të zbatohet vendimi.