Konjufca ballafaqohet sonte me Daçiqin në mbledhjen e Këshillit të Sigurimit të OKB-së
24.4.2020 - 15:07
Ministri i Punëve të Jashtme në detyrë, Glauk Konjufca, do të marrë pjesë sot në seancën e Këshillit të Sigurimit të Organizatës së Kombeve të Bashkuara.
Këtë e ka bërë të ditur shefi i kabinetit në Ministrisë së Punëve të Jashtme, Kreshnik Ahmeti.
Sipas njoftimit seanca do të fillojë nga ora 15:00.
“Sot, Ministri në detyrë i Punëve të Jashtme dhe Diasporës, Glauk Konjufca, do ta përfaqësojë Republikën e Kosovës në seancën e Këshillit të Sigurimit të Organizatës së Kombeve të Bashkuara, ku do të diskutohet raporti i Sekretarit të Përgjithshëm të OKB-së mbi situatën në Kosovë. Seanca fillon ne ora 15:00 me kohën tonë lokale dhe do të transmetohet drejtpërdrejtë në web faqen zyrtare të Organizatës së Kombeve të Bashkuara”, ka njoftuar Ahmeti
