Gjykata e Pejës e lë në burg ish-ministrin Numan Baliq, i dyshuar për sulm seksual

Gjykata e Pejës ka caktuar një muaj paraburgim për ish-ministrin e Shëndetësisë, Numan Baliq, i cili po dyshohet për veprën penale – sulm seksual.

Sipas komunikatës së Gjykatës së Pejës rasti ka ndodhur në Spitalin e Pejës, ku i pandehuri ushtron profesionin e mjekut.

Dosja e Prokurorisë sqaron se e dëmtuara ka qenë shoqëruese e foshnjës së hospitalizuar në Spitalin e Pejës.

Baliq dyshohet se e ka mbyllur në dhomën e tij të dëmtuarën dhe e ka prekur pa dëshiren e saj.

Më herët Baliq ka qenë i akuzuar për ngacmim të një praktikanteje.