Gjakovë, 4 punëtore alivanosen për shkak të temperaturave të larta në fabrikë
27.6.2021 - 09:45
Policia në Gjakovë është njoftuar nga Spitali se katër punëtore kishin kërkuar ndihmë mjekësore pasi si pasojë e temperaturave të larta ishin alivanosur.
Ngjarja ka ndodhur dje rreth orës 13:00 në Gjakovë.
Sipas njoftimit të Policisë, ditë më parë kanë kërkuar ndihmë mjekësore 13 punëtore për të njëjtin problem.
Lidhur me rastin është intervistuar menaxheri i fabrikës.
Në vendin e ngjarjes kanë dalë prokurori dhe Inspektorati Komunal, të cilët kanë ndërprerë punën.
Rasti, i cili po trajtohet si asgjësimi, dëmtimi ose heqje e pajisjeve mbrojtëse dhe rrezikimi i sigurisë në vendin e punës, është duke u hetuar.