Gërvalla i reagon Borrellit: A po bën thirrje BE-ja për mosndëshkim për ata që sulmuan NATO-n?
Ministrja e Punëve të Jashtme dhe Diasporës, Donika Gërvalla, i ka reaguar Përfaqësuesit të lartë Evropian, Josep Borrell i cili tha se situata në veri të Kosovës është alarmante dhe se arrestimi i serbëve është jashtëgjyqësor.
Gërvalla ka pyetur Borrell nëse BE-ja po kërkon mosndëshkim për sulmuesit e ushtarëve të KFOR-it.
Ajo theksoi se nuk ka asgjë jashtëjgyqësore në procesin e arrestimit.
“A po bën thirrje BE-ja për mosndëshkim për ata që sulmuan NATO-n? Policia ka prova të qarta se personi i arrestuar sot ka marrë pjesë në sulmin kundër NATO-s më 29 maj. Arrestimi u bë në bazë të nenit 71 të Kodit të Procedurës Penale të Kosovës, kështu që nuk ka asgjë jashtëgjyqësore”- ka shkruar Gërvalla.
Is the EU calling for impunity for those who attacked NATO?
The police has clear evidence that the person arrested today participated in attack against NATO on 29 May.
The arrest took place based on Art.71 of Kosovo’s Criminal Procedure Code so there’s nothing extra-judicial. https://t.co/LSqvIHrvf0
— Donika Gërvalla-Schwarz (@gervallaschwarz) June 23, 2023
Më herët, kryeministri Albin Kurti ka deklaruar se Forca e Sigurisë së Kosovës kreu stërvitje rutinë në Mitrovicë të Jugut, gjë për të cilën, sipas tij, KFOR ka qenë i informuar.
“Stërvitjet e sotme nga Regjimenti III i Forcës së Sigurisë së Kosovës në Mitrovicën e Jugut janë aktivitet rutinë, i planifikuar çdo vit, për të cilin KFOR-i ishte plotësisht i informuar. Ai përbëhej nga 215 ushtarë që shkonin nga garnizoni “Minatori” në Frashër dhe po ktheheshin. Dezinformimi është i rrezikshëm dhe i papranueshëm”- ka shkruar Kurti në Twitter.
Një person, i dyshuar për sulm ndaj ushtarëve të KFOR-it është arrestuar sot nga Policia e Kosovës.
I dyshuari për sulm në Zveçan, është Nenad Orloviq i njohur me nofkat “Nemac” dhe “Rusi”.
Ky është personi i katërt që është arrestuar nën dyshimet për sulm ndaj gazetarëve e pjesëtarëve të KFOR-it gjatë tensioneve në veri që nisën që nga 26 maji.
Borrell: Shumë i alarmuar me situatën në veri, arrestimet e serbëve e marshin e FSK-së në Mitrovicë
