Borrell: Shumë i alarmuar me situatën në veri, arrestimet e serbëve e marshin e FSK-së në Mitrovicë

Përfaqësuesi i Lartë i Bashkimit Evropian, Josep Borrell, është shprehur i alarmaur me situatën në veri të Kosovës ku sipas tij, po bëhen arrestime jashtëgjyësore ndaj serbëve.

Ai po ashtu, u shpreh i shqetësuar edhe me marshin e FSK-së në Mitrovicë të Jugut.

“Shumë i alarmuar nga situata në veri të Kosovës: arrestime jashtëgjyqësore të serbëve të Kosovës dhe Forcave të Sigurisë së Kosovës që marshojnë në Mitrovicën e Jugut; e ndjekur nga retorika e fortë nga Serbia”-  ka shkruar Borrell.

Ai shtoi se pavarësisht takimit të djeshëm, përshkallëzimi vazhdon dhe po bëhet i rrezikshëm.

“Nuk do ta tolerojmë”- është shprehur ai.

Very alarmed by situation in north of Kosovo: extrajudicial arrests of K-Serbs & Kosovo Security Forces marching in South Mitrovica; followed by heavy rhetoric from Serbia.

Despite yesterday’s crisis meeting, escalation continues & is becoming dangerous. We will not tolerate it.

— Josep Borrell Fontelles (@JosepBorrellF) June 23, 2023

Një person, i dyshuar për sulm ndaj ushtarëve të KFOR-it është arrestuar sot nga Policia e Kosovës.

I dyshuari për sulm në Zveçan, është Nenad Orloviq i njohur me nofkat “Nemac” dhe “Rusi”.

Derisa, lidhur me marshin e FSK-së, ministri i Mbrojtjes, Armend Mehaj ka bërë apel tek të gjithë që aktiviteteve të tilla mos t’iu jepet konotacion tjetër.

Mehaj: Marshimi i ushtarëve në Mitrovicë nuk ka të bëjë me situatën në veri