Foto: KALLXO.com Ilustrim
Fushë Kosovë, arrestohet i dyshuari se vodhi në tri shtëpi
15.4.2020 - 10:45
Një person është arrestuar nga policia për shkak se i njëjti po dyshohet për disa vjedhje.
Policia ka njoftuar se arrestimi është bërë në rrugën “Ernest Koliqi” në Fushë Kosovë.
Gjithashtu sipas sqarimit të policisë, i dyshuari është shtetas i Shqipërisë dhe dyshohet se ka kryer tri vjedhje në shtëpi të ndryshme në zonën e stacionit policor në Fushë Kosovë.
I dyshuari është intervistuar dhe për rastin është njoftuar edhe prokurori i shtetit.
Me urdhër të këtij të fundit i dyshuari është dërguar në ndalim për 48 orë.