![](https://kallxo.com/wp-content/uploads/2021/10/euro-2024-720x388.jpg)
Franca përballet me Belgjikën, Portugalia kërkon çerekfinalen përballë Sllovenisë
Kanë përfunduar katër duelet e para në 1/8 e finales në Euro 2024, derisa janë përcaktuar edhe katër skuadrat e para çerekfinaliste.
Të hënën, 01.07.2024, do të mësohen edhe dy ekipe të tjera që do të kalojnë në çerekfinalen e madhe të Kampionatit Evropian.
Padyshim që dueli kryesor do të zhvillohet në Merkur Spiel Arena në Dusseldorf me fillim nga ora 18:00, ku Franca do të përballet me Belgjikën.
🇫🇷🆚🇧🇪
🇵🇹🆚🇸🇮Who goes through to the quarter-finals? 🤔@bookingcom | #EUROfixtures pic.twitter.com/ZUoUouAQU8
— UEFA EURO 2024 (@EURO2024) July 1, 2024
Në këtë duel përballë njëra-tjetrës janë dy emra të mëdhenj të futbollit europian dhe vetëm njëra do të vazhdojë rrugëtimin drejt trofeut të madh.
Sfidë shumë interesante pritet të jetë edhe nga ora 21:00 në Frankfurt, në të cilën Portugalia e Cristiano Ronaldos do të përballet me Slloveninë.
Pasi kaluan nga grupi si të parët në tabelë, portugezët kërkojnë të kalojnë tutje pasi janë favorit në letër dhe CR7 është në kërkim të golit të parë.
Ndërkohë Sllovenia synon që të shkaktojë befasinë më të madhe deri më tani në Euro 2024, pasi synimi është të eliminojnë Portugalinë. /Telegrafi