Ferizaj, në zonën 50 km/h voziti me shpejtësi 129 km/h, 300 euro gjobë, 3 pikë negative dhe i konfiskohet patentë shoferi

Policia e Kosovës ka njoftuar se një personit i është shqiptuar gjobë dhe i është konfiskuar patentë shoferi për tejkalim të shpejtësisë,

Sipas njoftimit, mbrëmë rreth orës 21:00 në rrugën magjistrale Ferizaj-Prishtinë, në fshatin Babush, është ndaluar shoferi E.H., i moshës 24-vjeçare, i cili ka bërë tejkalim të shpejtësisë.

Policia ka thënë se shoferi në zonën e kufizimit 50 km/h ka zhvilluar shpejtësi 129 km/h.

“Ndaj tij, policia i shqiptoi një gjobë për kundërvajtje 300 euro, 3 pikë negative dhe 3 muaj masë mbrojtëse, heqje e patentë shoferit”- ka thënë Policia.

Policia u ka bërë thirrje shoferëve të automjeteve të respektojnë shenjat e komunikacionit.

Policia e Kosovës gjithashtu sot ka njoftuar se gjatë 24 orëve të kaluara janë evidentuar gjithsej 55 aksidente në trafikun rrugor.

Gjatë kësaj kohe, janë realizuar 545 pika kontrolli të automjeteve, përderisa 34 shoferëve u janë konfiskuar patentë shoferët për shkelje të ndryshme të rregullave në trafik.

55 aksidente për një ditë, Policia apelon shoferët për kujdes në trafik