Policia e Kosovës në Zveçan. Foto: KALLXO.com
Ende e bllokuar rruga kryesore që dërgon në Zveçan, shkak shembja e gurëve
24.8.2022 - 11:53
Tash e disa ditë rruga kryesore, e cila të dërgon në komunën e Zveçanit është e bllokuar, për shkak të shembjes së një pjese të gurëve.
Siç mësohet, shembja e këtyre gurëve ka ndodhur në vendin e quajtur “Dudi Kershit”.
Qytetarët, të cilëve iu duhet të udhëtojnë për në këtë zonë, po detyrohen që të përdorin si rrugë alternative Mitrovicën e Veriut.
Përmes këtij qyteti, qytetarët po vazhdojnë më pas për në Zveçan e Leposaviq, e po ashtu edhe për në Jarinje.
Në vendin e ngjarjes është parë edhe Policia e Kosovës, të cilët janë duke monitoruar situatën dhe po ashtu janë duke ndaluar qytetarët për të kaluar deri sa të rregullohet rruga në fjalë.