Dy punëtorë të një pike karburanti raportojnë se iu grabitën afër 1 mijë euro nga një person i maskuar

Dy persona, punëtorë në një pikë karburanti kanë raportuar tek organet e rendit se iu janë grabitur para nga një i dyshuar.

Sipas tyre, i dyshuari kishte maskë në kokë dhe nën kërcënimin e një thike ka grabitur rreth 700-800€ nga punëtori i pompës së derivateve, ndërsa nga punëtorja ka grabitur rreth 100-150€ dhe kishte ikur.

Rasti raportohet të ketë ndodhur dje në rrugën “Skënderbeu” në Gjilan, ora 21:20.

Policia është duke hetuar rastin.