Drejtori i Shëndetësisë njofton për procesin e dezinsektimit në Prishtinë
Drejtori i Shëndetësisë në kryeqytet, Izet Sadiku ka njoftuar se mbrëmjen e së hënës kanë filluar me fazën e tretë të dezinsektimit hapësinor.
Sipas Sadikut, kanë rritur ekipet në teren dhe ato monitoruese.
“Do të jemi në çdo lagje, në çdo rrugë, çdo mbrëmje” – ka shkruar drejtori Sadiku.
Ai ka bashkangjitur edhe një video gjatë procesit të dezinsektimit në një park të Prishtinës.
Më 27 qershor 2023, me vendim të kryetarit Rama është formuar komisioni i përbërë nga gjashtë anëtarë i cili do të merret me përcjelljen e aktiviteteve të dezinsektimit hapësinor.
Ndërkaq, më 15 korrik 2023, drejtori Izet Sadiku ka njoftuar për fillimin e hudhjes së larvicidit nëpër kryeqytet.
Larvicidi është një lloj insekticidi që përdoret për të mbytur larvat e mushkonjave.