Presidenti i SHBA-së, Joe Biden
Biden reagon pas lajmeve për vdekjen e Prigozhinit: Nuk jam i befasuar
Shefi i grupit të mercenarëve “Wagner”, Yevgeny Prigozhin, ka vdekur nga rrëzimi i aeroplanit në Rusi.
Presidenti amerikan Joe Biden ka reaguar lidhur me lajmin për vdekjen e Prigozhinit, duke thënë se nuk është i befasuar.
“Unë nuk e di në fakt se çfarë ndodhi, por nuk jam i befasuar” – tha Biden, raporton The Guardian.
Shefi i grupit të mercenarëve “Wagner” vdes nga rrëzimi i aeroplanit në Rusi
Prigozhin ka drejtuar grupin e mercenarëve “Wagner”, i cili ka marrë pjesë në luftën në Ukrainë përkrah forcave ruse.
Për shkak të pakënaqësisë me presidentin rus, Vladimir Putin, Prigozhin kishte tërhequr luftëtarët e tij nga Ukraina.
Ai kishte arritur të merrte nën kontroll zona në Rusi dhe kishte nisur një operacion për ta rrëzuar nga pushteti presidentin rus.
Por, ndërkohë që forcat e tij po përparonin shpejt drejt Moskës, Prigozhin merr vendim që ta ndalë operacionin.
Pas disa ditësh, ai është lejuar të hyjë në Bjellorusi, ku me luftëtarët e tij e ka regjistruar grupin si “organizatë edukative”.
Prania e grupit “Wagner” në Bjellorusi ka ngjallur frikë dhe tensione te vendet fqinje, anëtarë të NATO-s.