BE premton 5 miliardë euro të tjera ndihmë ushtarake për Ukrainën
BE-ja do t’i japë Ukrainës një paketë ndihme ushtarake me vlerë 5 miliardë eurosh, ka thënë kryediplomati i BE-së Josep Borrell, pas një takimi “historik” – dhe të paparalajmëruar – të ministrave të jashtëm të BE-së në Kiev. Vendet e BE-së do t’i trajnojnë 40,000 ushtarë, do të ofrojnë “trajnim special” për pilotët luftarakë dhe do t’i thellojnë lidhjet midis BE-së dhe kompanive të mbrojtjes ukrainase, ka deklaruar Borrell.
Një fitore e Ukrainës në luftën me Rusinë varet nga bashkëpunimi me BE-në, u tha presidenti ukrainas, Volodymyr Zelenskiy, ministrave të mbledhur në Kiev. Zelenskiy, i cili po fliste pasi Kongresi Amerikan i la ndihmat e luftës për Ukrainën jashtë një fature shpenzimesh, gjithashtu e vuri theksin tek rëndësia e “mbështetjes së mbrojtjes” për Ukrainën gjatë luftës.
Plani i paqes prej 10 pikash i Zelenskiy është zgjedhja e vetme që duhet pranuar në mungesë të një zgjedhjeje më të mirë, tha kryediplomati i BE-së, Borrell, në një konferencë për shtyp pas takimit. Samiti i ministrave të jashtëm të BE-së po “dërgon një raketë të fortë në Rusi që ne të mos frikësohemi nga raketat tuaja apo dronët tuaj”, shtoi ai.
Borrell hodhi poshtë gjithashtu idenë – e lëshuar nga Roberta Metsola, presidentja e Parlamentit Evropian dhe akademikë së fundmi – se Kievi mund të bashkohet me BE-në në faza, me qasje në tregun e përbashkët së pari, e ndjekur nga integrimi politik. “Anëtarësimi është anëtarësim”, tha Borrell. Nuk mund të flitet për gjysmën ose 25% të anëtarësimit, tha ai, duke shtuar: “[Është] Angazhimi më i fortë i sigurisë që mund t’i japim Ukrainës”.
Pentagoni i SHBA-së e ka paralajmëruar Kongresin se po i mbaron fondet për t’i zëvendësuar armët që SHBA-ja i ka dërguar Ukrainës dhe tashmë është detyruar ta ngadalësojë rifurnizimin e disa trupave. Paralajmërimi nga kontrollori i Pentagonit erdhi në një letër dërguar udhëheqësve të Kongresit dhe u mor nga Associated Press. Ai i kërkon Kongresit t’i plotësojë fondet për Ukrainën.
Shtëpia e Bardhë ka qenë në kontakt me aleatët dhe partnerët në lidhje me financimin e vazhdueshëm për Ukrainën dhe ato biseda do të vazhdojnë, tha të hënën zëdhënësja e Shtëpisë së Bardhë Karine Jean-Pierre. Kongresi miratoi një projekt-ligj ndalues të shtunën duke i zgajtur fondet e qeverisë për më shumë se një muaj dhe shmangi një mbyllje të qeverisë, por nuk përmbante ndonjë ndihmë të re për Ukrainën.
Ukraina e ka akuzuar Elon Musk për inkurajimin e propagandës ruse pasi pronari miliarder i platformës X, postoi një meme të Zelenskiy me mbishkrimin, “Kur kaluan pesë minuta dhe nuk kërkuat një miliard dollarë ndihmë”. “Çdo heshtje apo ironi ndaj Ukrainës sot është një inkurajim i drejtpërdrejtë i propagandës ruse që justifikon dhunën dhe shkatërrimin masiv”, u përgjigj në të njëjtën platformë ndihmësi presidencial Mykhaylo Podolyak.
Kremlinizyrtar ka thënë se beson se lodhja me luftën në Ukrainë do të rritet në SHBA dhe Evropë, por se Uashingtoni do të vazhdojë të përfshihet drejtpërdrejt në konflikt. Zëdhënësi i Kremlinit, Dmitry Peskov, po e komentonte vendimin e Kongresit të SHBA-së për të miratuar një projekt-ligj për financimin e ndërprerjes që nuk e kishte ndihmën për Kievin.
Presidenti meksikan, Andrés Manuel López Obrador, të hënën i cilësoi shpenzimet ushtarake të SHBA-së për Ukrainën si “irracionale”, duke shtuar kritikat për përpjekjet e luftës teksa i kërkoi Uashingtonit të kushtojë më shumë burime për të ndihmuar vendet e Amerikës Latine. “Pra, ata duhet ta modifikojnë strategjinë e tyre dhe të mësojnë respekt. Nuk është koha që ata t’i injorojnë autoritetet meksikane”, tha Lopez Obrador./The Guardian
Përgatiti: Nuhi Shala
