Bartte ujë të pijes pa dokumente përcjellëse, ndalet nga policia
22.3.2022 - 10:33
Policia e Kosovës njofton se është ndaluar një automjet i cili bartte ujë të pijes pa dokumente përcjellëse.
Sipas policisë, rasti ka ndodhur në Gjakovë, dje rreth orës 10:00.
Nga njësiti policor është ndaluar automjeti me targa lokale që drejtohej nga një burrë.
Tutje policia sqaron se gjatë kontrollit të automjetit është vërejtur se i njëjti kishte të ngarkuar ujë të pijes pa dokumente përcjellëse ( fletë ngarkesa mbi mallin).
Sipas policisë me vendim të prokurorit malli i është liruar të dyshuarit ndërsa rasti shkon në procedurë të rregullt.