Ambasada e ShBA-së duke cituar Escobar: Pavarësisht sfidave në marrëdhëniet tona, mbështetja jonë për popullin e Kosovës është e palëkundur
16.3.2024 - 11:13
Ambasada e Shteteve të Bashkuara të Amerikës në Kosovë ka bërë një reagim në rrjetin social Facebook pas vizitës së emisarit special të ShBA-së për Ballkanin Perëndimor, Gabriel Escobar.
Duke cituar zyrtarin amerikan, Ambasada ka thënë se mbështetja për popullin e Kosovës mbetet e palëkundur.
“Siç theksoi DAS Escobar, përderisa kemi disa sfida në marrëdhëniet tona dypalëshe tani, mbështetja jonë për popullin e Kosovës është e palëkundur” – thuhet në reagimin e Ambasadës së ShBA-së në Prishtinë.
Gjatë vizitës në Kosovë, Escobar vizitoi disa institucione, qendrore dhe lokale, po ashtu ai vizitoi edhe Manastirin e Deçanit.