Pretendimet të pabazuara për shërim të kancerit
Deklarata
Mollët janë të shëndetshme, por nëse i qëroni përgatiteni çajin shërues me lëvore
Vlerësimi
Me kos
Artikulli me titull ‘Mollët janë të shëndetshme, por nëse i qëroni përgatiteni çajin shërues me lëvore’ nuk është i bazuar në fakte. Në artikull nuk ofrohet asnjë dëshmi që e mbështet konstatimin e bërë në titull për shërim të kancerit.
Artikulli
Më 24 maj 2023 faqja e facebook “Kosova Sot” ka publikuar artikullin me titull ‘Mollët janë të shëndetshme, por nëse i qëroni përgatiteni çajin shërues me lëvore’.
Përmbajtja e këtij artikulli aludon se lëvorja e mollës mund t’i mbytë qelizat e kancerit. Madje në artikull jepet edhe një recetë sesi duhet përgatitur në mënyrë që të jetë efektive.
I gjithë ky artikull bazohet në një ‘studim’ për të cilin nuk përmendet as emri e as autori. Madje, në artikull nuk është cituar asnjë mjek apo punim shkencor që e mbështet konstatimin e bërë në titull.
Artikulli në fjalë nuk ka asnjë fakt për informacionet që i ofron dhe si i tillë i vë në lajthitje lexuesit.
Ardian Millaku, onkolog në SHSKUK për KALLXO.com kishte thënë se ata respektojnë protokolet ndërkombëtare të mjekësisë që thonë se shërimi i kancerit bëhet me kimioterapi, me rrezatim apo me trajtim paliativ, varësisht prej stadit të sëmundjes.