Lutfi Haziri e mban fjalën

Jemi njëra prej komunave ku publikohen të gjitha kontratat e lidhura me operatorët ekonomik

Lutfi Haziri, Gusht 2018

E vërtetë

Komuna e Gjilanit ka filluar nga sot me publikimin e kontratave të lidhura me operatorët ekonomik në faqen zyrtare të komunës. Gjilani bëhet komuna e tretë që po publikon kontratat e nënshkruar me bizneset për kryerjen e punëve, ofrimin e shërbimeve apo furnizime.

Në muajin maj krypometri e kishte zënë në rrenë kryetarin e komunës së Gjilanit, Lutfi Haziri për mospublikimin e kontratave me operatorët ekonomik.

Lutfi Haziri: Jemi njëra prej komunave ku publikohen të gjitha kontratat e lidhura me operatorët ekonomik.

E Vërteta: Gjilani, sot është komuna e tretë që ka nisur publikimin e kontratave me operatorët ekonomik. Kjo komunë nuk i kishte të publikuara kontratat, siç kishte deklaruar Haziri, gjë që e kishte faktuar në të kaluarën krypometri. Tani që kontratat janë publikuar, krypometri e vlerëson si fjalë të mbajtur, pasi transparenca në prokurim është shumë e rëndësishme për luftimin e korrupsionit

  • E Vërtetë

  • Pjesërisht E Vërtetë

  • Me Kos

  • Rrenë

  • Rrenë e kryptë

  • Qëndrim i ndërruar

  • Hetimet vazhdojnë

Kryetari i Komunës së Gjilanit, Lutfi Haziri kishte deklaruar se në ueb-faqen e E-Prokurimit janë duke u publikuar të gjitha kontratat që Komuna e Gjilanit i ka lidhur me operatorët ekonomik.

“Jemi njëra prej komunave të përzgjedhura për ‘E-prokurim’ ku publikohen të gjitha kontratat, jo vetëm ofertat, por kontratat e lidhura me operatorët ekonomik”, kishte thënë Haziri.

Por, një gjë e tillë nuk ka ndodhur deri më sot kur edhe ka filluar publikimi i kontratave.

Vendimi për hapjen e kontratave për publikun është bërë si rezultat i bashkëpunimit dhe përkrahjes së Projektit të USAID-it për Komuna Transparente, Efektive dhe Llogaridhënëse, me qëllim të rritjes së transparencës dhe mundësisë së qytetarëve të komunës për të qenë të informuar në lidhje me shpenzimet e komunës.

Deri më tani në faqen zyrtare të komunës janë publikuar vetëm informata të kufizuara përmes njoftimeve të ndryshme.

Të interesuarit tashmë mund t’i qasen kontratave KËTU.

Komuna e parë që kishte vendosur t’i publikoj kontratat ishte Gjakova, kurse pas saj, veprimin e njëjtë e kishte bërë edhe Komuna e Pejës.

Rrena për publikimin e listës së uzurpatorëve dhe kontratave me biznese

 

Ramiz Lladrovci premton hapjen e kontratave

by Kallxo
NA NDIQNI

Send this to a friend