Deklaratat e mveshura ndaj Sami dhe Mërgim Lushtakut
Deklarata
Bab a po thu na dalin qeto 10 milion a” dhe “jo bre djal 10 milion i ka bo gjethkush tash”
Vlerësimi
Rrenë
Citatet e vendosura në ilustrimin në të cilin shihet Sami e Mërgim Lushtaku: “Bab a po thu na dalin qeto 10 milion a” dhe “jo bre djal 10 milion i ka bo gjethkush tash”, janë të rreme. Kryetari i degës së PDK-së në Skenderaj Sami Lushtaku dhe deputeti Mërgim Lushtaku nuk kanë bërë deklarata të tillë asnjëherë.
Artikulli
Më 24 korrik 2023, faqja e Facebook-ut “Baloz Balozi” ka publikuar një fotografi në të cilën shihen personalitete të politikës si Mërgim dhe Sami Lushtaku, Pal Lekaj, Hisen Berisha dhe një karikaturë e Bekim Haxhiut.
Në fotografinë në të cilën janë ilustruar Mërgim dhe Sami Lushtaku janë mveshur deklarata si “Bab a po thu na dalin qeto 10 milion a” dhe “jo bre djal 10 milion i ka bo gjethkush tash”.
Asnjëra prej deklaratave nuk është thënë nga nën-kryetari i Komunës së Skenderajt, Sami Lushtaku dhe deputeti Mërgim Lushtaku.
Zëdhënësi i Parisë Demokratike të Kosovës, Valmir Klaiqi për KALLXO.com ka thënë se përmbajtja e ilustrimit është e rreme.
“Është një fake news, propagandë linçuese sepse as kryetari i degës së PDK-së në Skenderaj, Sami Lushtaku por as deputeti Mërgim Lushtaku nuk i kanë dhënë asnjëherë këto deklarata të apostrofuara ne këtë postim”- ka thënë Klaiqi.
Ky ilustrim është publikuar disa ditë pasi deputetët Mëgim Lushtaku e Bekim Haxhiu janë përfshirë në një përleshje në Kuvendin e Kosovës.
