I akuzuari për përvetësimin e mbi 273.000 deklarohet i pafajshëm para Gjykatës

 

Srboljub Dimitrijeviq i akuzuar për përvetësim gjatë ushtrimit të detyrës nuk e ka pranuar fajësinë para gjykatës.

Me rastin e mbajtjes së seancës fillestare në Gjykatën e Mitrovicës ai u deklarua se nuk ndihet fajtor lidhur me veprën penale me të cilën ngarkohet nga Prokuroia e Mitrovicës.

Pas kësaj gjyktësi i rastit Beqir Halili ka njoftuar palët se në afat prej 30 ditëve mund të paraqesin kundërshtimet e tyre lidhur me aktakuzën.

Shqyrtimit i dytë nuk do të mbahet, kundërshtimet do të shqyrtohen nga gykatësi jashtë seancës gjyqësore, pas marrjes së mendimit edhe nga ana e prokurorit.

Prokuroria e Mitrovicës akuzon Srboljub Dimitrijeviq se nga janari 2005 deri në dhjetor 2015 në cilësinë e shefit të kontabilitetit në firmat “Auto moto drushtvo“ dhe “Auto moto Remont“ në Mitrovicë e cila është regjistruar së pari në UNMIK-u, e pastaj është regjistruar edhe te Agjencioni i Kosovës për regjistrimin e bizneseve si “Auto moto drushtvo“ Mitrovicë, me qëllim të përfitimit të kundërligjshëm të dobisë pasurore ka përvetësuar të hollat që janë besuar në bazë të detyrës.

Sipas akuzës i njejti duke mos regjistruar të hollat në evidencat e kontabilitetit, kthimin e akontacioneve (paradhënie të punëtorëve), duke tërhjekur para kesh nga banka dhe të njëjtat nuk janë regjistruar fare në evidencën e kontabilitetit, duke mos dorëzuar pazarin ditor në llogarinë bankare të kompanisë, e duke mos i regjistruar në evidencat e kontabilitetit parat e kthyera nga personat që kishin huazuar para nga kompania, ka përvetësuar të holla në shumë prej 273.107.39 euro.

Më këtë akuzohet se ka kryer veprën penale përvetësimi në detyrë.

 

16 Maj 2019 - 11:23

Bahrie Sadiku 16/05/2019 - 11:23
NDËRVEPRIMI0
Prishtina Insight
NA NDIQNI

Send this to a friend