Kandidatja e LDK-së, për ndërtimin e autostradës së Dukagjinit dhe hidrocentraleve në lumenjtë e Kosovës

Kandidatja për deputete nga radhët e Lidhjes Demokratike të Kosovës, Flutura Beka-Kamberaj në një intervistë për KALLXO.com tregon kauzën e saj të cilën do ta shyjë përpara nëse merr besimin e qytetarëve për t’i përfaqësuar ata në Kuvendin e Kosovës në legjislaturën e ardhshme.

E fokusuar më shumë në sektorin bankar, pasi që aty ka punuar për 15 vite, Flutura Beka tregon se kauza e saj do të jetë më shumë drejt zhvillimit ekonomik dhe përmirësimit të ambientit ekonomik deri sa shton se do të mbaj postin e deputetes dhe do të jetë zëri i qytetarëve që i besojnë asaj.

Tutje, Flutura Beka Kamberaj tregon edhe se është për ndërtimin e hidrocentraleve në lumenjtë e Kosovës.

Flutura Beka u përgjigj edhe në pyetjet speficike që prekën tema të rëndësishme të cilat bënë bujë dhe u diskutuan shumë në publik e shoqëri.

Ajo thotë se është kundër martesave në mes të gjinisë së njëjtë por të njëjtin mendim nuk e ka kur pyetet për bartjen e shamive në shkolla.

Për këtë të fundit thotë se nuk është kundër.

Më poshtë lexoni intervistën e plotë me Flutura Beka-Kamberaj:

KALLXO.com: Cila është kauza që keni me e shty nëse boheni deputet?

Flutura Beka Kamberaj: Unë punoj në sektorin bankar këshu që aty kemi pasur rastin të ballafaqeohemi me probleme të ndryshme që ndodhin në sektorin privat dhe në ekonomitë familjare, kështu që unë do të fokusohem kryesisht në zhvillimin ekonomik dhe përmirësimin e ambientit ekonomik.

KALLXO.com: Nëse e merrni mandatin a keni me vazhdu me qenë deputet apo keni me kalu me ndonjë post tjetër?

Flutura Beka Kamberaj: Besoj se do të jem zëri i qytetarëve për atë jam në listë për kandidate për deputete dhe do të vazhdoj të jem deputete.

KALLXO.com: Cilat taksa mendoni se duhet me u ulë dhe cilat me u rritë në Kosovë?

Flutura Beka Kamberaj: Të gjitha ato taksa që janë në dëm të izneseve qoftë ato të vogla apo të mesme, duhet të ulen sepse ne duhet të u japim hapësirë të gjitha bizneseve që të kenë zhvillim ekonomik, duhet të rriten ato që dëmtojnë bizneset në Kosovë. Duhet të rriten taksat për importet e produkteve që rrezikojnë prodhimin vendor.

KALLXO.com: Cilat janë tri amandamentet e para që keni me i propozu?

Flutura Beka Kamberaj: Varësisht prej planit të LDK-së.

KALLXO.com: Cilat janë tri problemet/nevojat kryesore e komunës prej nga vini?

Flutura Beka Kamberaj: Unë vi prej qytetit të Mitrovicës së Veriut, kam lindur dhe jam rritur në pjesën veriore të qytetit, kështu që ne kemi një mori problemesh me të cilat ballafaqohemi, besoj se do të ngris disa çështje që kanë të bëjnë me qytetarët e veriut, do të punoj drejt fuqizimit të gruas në shoqëri dhe zhvillimin ekonomik të bizneseve.

KALLXO.com: A ka gjasa me e nderru partinë ku jeni tash?

Flutura Beka Kamberaj: Asnjëherë jam lindur dhe jam rritur në një familje që kanë qenë gjithmonë me LDK-në.

KALLXO.com: A ka gjasa me votu kundër qëndrimit të grupit tuaj parlamentar?

Flutura Beka Kamberaj: Jo, besoj se ne do të kemi një koordinim së bashku.

KALLXO.com: Cili grup i diskriminuar do ta ndjenë më së shumti përkrahjen tuaj si deputet?

Flutura Beka Kamberaj: Për shkak të përvojës sime shumë vjeçare në sektorin bankar, do të jem përkrahëse e bizneseve dhe grave.

KALLXO.com: Çka do të bëni për përmirësimin e ambientit (mjedisit) dhe ajrit të ndotur në Kosovë?

Flutura Beka Kamberaj: Do të bazohemi në plan programin e LDK-së dhe do të punojmë për përmirësimin e ambientit.

KALLXO.com: A jeni PËR apo KUNDËR ndërtimit të termocentralit të tretë me qymyr?