Ramush Haradinaj, kryeministër i Kosovës.
Haradinaj: Qentë Endacakë Temë Alarmante
13.10.2017 - 16:32
Qeveria miratoi sot propozim-vendimin e Agjencisë së Veterinës dhe Ushqimit për Menaxhimin dhe Kontrollin e Qenve Endacakë.
Ramush Haradinaj tha se çështja e qenve endacakë është bërë temë alarmante, ndërsa më pas lexoi propozim-vendimin e AVUK-ut.
“Sipas këtij vendimi obligohen të gjitha komunat të shpallin gjendje emergjente dhe të marrin masat për trajtimin e qenve endacakë”, tha Haradinaj.
Sipas vendimit, nëse komunat nuk kanë mjete për të trajtuar qentë endacakë, duhet t’i bëjnë kërkesë për këto mjete qeverisë.
Trajtimin e qenve endacakë do ta bëjë AVUK-u, ndërsa përgjegjësinë për këtë trajtim e kanë komunat.
KALLXO.com ka shkruar për raste të sulmeve të qenve endacakë.