Gjakovari Gjendet i Vdekur Pranë Varrit të Babait

Një person i moshës 43 vjeçare nga fshati Dol i komunës së Gjakovës është gjetur dje pa shenja jete rreth orës 12:OO në varrezat e këtij fshati, pranë varrit të babait të tij.

Policia tha se bëhet fjalë për personin me inicialet K.M. i gjinisë mashkullore.

Rastin për KALLXO.com e konfirmoi komandanti i Stacionit Policorë të Gjakovës, Kristë Gjokaj.

“Dje rreth orës 12 është gjetur një person i moshës 43 vjeçare ku dyshohet se ka bërë vetëvrasje si pasojë e pirjes së një helmi” , tha major Kristë Gjokaj.

Sipas Gjokajt, me urdhër të prokurorit të rastit trupi i pa jetë është dërguar për obduksion.