Automjetet elektrike dhe hibride po e pushtojnë ngadalë Evropën

Modelet tërësisht elektrike, hibride plug-in ose hibride të plota – përbëjnë rreth 48 për qind të të gjitha regjistrimeve të automjeteve të reja të pasagjerëve në BE në 11 muajt e fundit, nga 43 për qind sa ishin në të njëjtën periudhë të vitit të kaluar.

Pothuajse gjysma e të gjitha automjeteve të pasagjerëve të regjistruara rishtazi në Bashkimin Evropian nga janari deri në nëntor të këtij viti janë shumica elektrike dhe hibride, sipas të dhënave nga Shoqata Evropiane e Prodhuesve të Automobilave (ACEA).

Në nëntor, muaji i 16-të radhazi i rritjes, regjistrimet e këtyre automjeteve u rritën me 6.7 për qind dhe në nivel vjetor me 13.3 për qind. Regjistrimet e automjeteve me benzinë u rritën me 4.2 për qind, ndërsa automjetet me naftë ranë me 10.3 për qind në të njëjtën kohë, sipas të dhënave të ACEA të publikuara të mërkurën.

Në të njëjtën kohë, regjistrimet e automjeteve tërësisht elektrike u rritën në nivel vjetor me 16.4 për qind, në 144,378 automjete, megjithëse në tregun më të madh evropian të automjeteve elektrike – Gjermani, ato ranë me 22.5 për qind në 44.942 automjete.

Konsumatorët vazhduan t’i favorizojnë automjetet hibride-elektrike, me një rritje prej 28.7 përqind nga viti në vit, ndërsa kërkesa për hibride plug-in ra me 22.1 përqind.

Regjistrimet e automjeteve hibride-elektrike në pothuajse të gjithë vitin në tregjet gjermane, franceze dhe italiane kanë kaluar 1.5 milionë automjete, krahasuar me gati 2.5 milionë të gjitha automjetet.

Pavarësisht rritjes në shitjet e automjeteve elektrike, ACEA njoftoi në fillim të dhjetorit se sektori i automjeteve elektrike të Evropës rrezikon të mbetet prapa rajoneve të tjera pa një strategji të fortë industriale të BE-së, mes dominimit kinez të zinxhirit të furnizimit dhe stimujve të SHBA për prodhuesit e saj të automjeteve.

Disa prodhues automjetesh dhe analistë po e përmendin gjithashtu një tavan të kërkesës për automjete elektrike në muajt e fundit. Prodhuesi më i madh evropian i automjeteve Volkswagen tha në tetor se kërkesa për automjete elektrike nuk po zhvillohet siç pritej dhe prodhuesi i automjeteve luksoze Mercedes-Benz paralajmëron për një treg “brutal” për automjetet elektrike për shkak të uljeve të mëdha të çmimeve dhe një zinxhiri të pasigurt furnizimi.

Regjistrimet e modeleve Volkswagen dhe Renault u rritën në nëntor përkatësisht me 11,4 për qind dhe 6,1 për qind, ndërsa në të njëjtën kohë ato të Stellantis ranë me 7,3 për qind, njoftoi ACEA.

Në të njëjtin muaj, prodhuesi i automjeteve elektrike Tesla arriti një kapërcim prej gati 45 për qind dhe përbënte një pjesë pothuajse 22 për qind të regjistrimeve të automjeteve tërësisht elektrike në BE.

Numri i automjeteve të reja të regjistruara në nëntor në BE, Britani dhe Shoqatën Evropiane të Tregtisë së Lirë (EFTA) u rrit me gjashtë për qind, në 1.08 milionë automjete./Dnevnik.hr

Përgatiti: Nuhi Shala