Trajneri i Dritës flet pas fitores ndaj Drenicës
Drita ka shënuar një fitore të rëndësishme ndaj Drenicës me rezultat 1-0, në kuadër të xhiros së 32-të në Superligë.
Pas ndeshjes ka folur trajneri i Dritës Ardian Nuhiu, duke thënë se skuadrës së tij në këtë ndeshje i mungoi freskia.
Nuhiu ka thënë se këtë ndeshje e kishin nën kontrollë dhe nuk i rrezikoi Drenica asnjëherë.
“Na mungoi freskia në këtë ndeshje. Krijuam por nuk e kishim freskinë të shënonim. Por sido që të jetë me rendësi është tre pikëshi, dhe tani e presim ndeshjen e radhës. Gjithçka kishim nën kontrollë, thjeshtë mungonte goli i qetësisë sepse Drenica nuk na rrezikoi”, ka thënë Ardian Nuhiu për Super Sport Kosova.
Pas kësaj fitoreje Drita pozicionohet në vendin e parë me 68 pikë, një xhiro para përfundimit të sezonit.
Gjilanasit në xhiron e fundit do të luajnë ndaj Ballkanit në Suharekë.
Drita mposht Drenicën dhe i afrohet titullit të kampionit