Bashkimi e mposht Feronikelin në Drenas
07.3.2020 - 22:12
Bashkimi ka fituar në udhëtim ndaj Feronikelit me rezultat 82-66, ndeshje e vlefshme për xhiron e 27-të në Superligën e Kosovës në basketboll.
Prizrenasit ishin bindshëm më të mirë në çerekun e parë, duke e fituar 12:24 dhe epërsinë e krijuar e ruajtën deri në fund, duke triumfuar me rezultat 66:82.
Dayon Griffin ishte më i miri te skuadra nga Drenasi me 31 pikë, shtatë kërcime dhe shtatë asistime.
Kurse te skuadra prizrenase u dalluan Corey Ross me 21 pikë e pesë kërcime, Terik Bridgeman me 20 pikë e shtatë kërcime dhe Stevie Clark me 15 pikë e gjashtë kërcime.
Nikli ka pesë fitore dhe 19 humbje, kurse Bashkimi 15 fitore dhe nëntë humbje.
