Vdes Adem Demaçi

Kryesuesi i Kuvendit të Kosovës, Xhavit Haliti gjatë seancës së Kuvendit të Kosovës e ka dhënë lajmin për vdekjen e Adem Demaçit.

“Jeta dhe vepra e tij do të lartësohet për aq kohë sa kombi shqiptar dhe shqiptarët do të kenë jetë. Lavdi jetës dhe veprës së Adem Demaçit”, ka thënë Haliti në Kuvend.

Deputetët e Kuvendit të Kosovës kanë mbajtur një minutë heshtje për të nderuar jetën dhe veprën e tij.

Demaçi ka vdekur në moshën 82 vjeçare.

Adem Demaçi ishte veprimtar për kauzën kombëtare në kohën e Jugosllavisë dhe ka luftuar për barazinë e Kosovës me Republikat e tjera të Jugosllavisë.

Për angazhimin e tij politik për çështjen e Kosovës, Adem Demaçi vuajti 28 vjet me radhë në burgjet e Jugosllavisë.

Ai është quajtur “Nelson Mandela” e Europës.