![](https://kallxo.com/wp-content/uploads/2016/06/policia-arrestim-1-e1466073344474.jpg)
Foto: Ilustrim
Tenton ta Vrasë Shkaku i Mbeturinave
08.8.2016 - 14:27
Një mosmarrëveshje e nisur për shkak të hedhjes së mbeturinave ka përfunduar me të shtëna me revole.
Ngjarja ka ndodhur dje rreth orës 10:00 në Karaçevë të Ulët të Kamenicës.
Pas mosmarrëveshjes rreth disa mbeturinave që i kishte hedhur viktima, i dyshuari ka shtënë me armë në drejtim të tij.
Sipas raportit të përditshëm të Policisë, viktima nuk ka pësuar lëndime, ndërsa nga i dyshuari është konfiskuar revolja e tipit “TT”.
I dyshuari me urdhër të prokurorit është dërguar në mbajtje prej 48 orësh.