Të pagjeturit, jashtë dialogut të Brukselit
02.9.2018 - 20:19
Tema për të cilën flitet pa reshtur që nga përfundimi i luftës së fundit në Kosovë është ndriçimi i fatit të të pagjeturve. Familjarët e të zhdukurve kërkojnë me ngulm që çështja të përfshihet në fazën finale të dialogut me Serbinë, por zyrtarët assesi nuk mund të konfirmojnë diçka të tillë
“Kërkesa e familjarëve dhe e Komisionit Qeveritar është që kjo temë gjithsesi të futet në agjendën e bisedimeve në Bruksel”, tha Jahja Lluka, këshilltar i kryeministrit për çështjen e personave të pagjetur.
Aktualisht në Kosovë janë 1648 emra në listën e atyre për të cilët nuk dihet asgjë që nga përfundimi i luftës në vitin 1999.