Prekaz, gjenden mbetje mortore që besohet të jenë nga lufta e fundit

Komisioni Qeveritar për Persona të Zhdukur ka njoftuar se pas gërmimeve në lokacionin e varrezave në Prekaz janë zhvarrosur mbetje mortore të viktimave që mund të jenë në Listën e Personave të Zhdukur.

Në njoftimin e këtij komisioni thuhet se pas disa orë gërmimeve, ekipet kanë hasur dhe zhvarrosur mbetje mortore (eshtra) që mund te jetë në Listën e Personave të Zhdukur.

“Gërmimet po vazhdojnë ende dhe në do t’iu njoftojmë pas rezultateve të ADN-së për identifikimet e mundshme të këtyre trupave”- thuhet në njoftim.

Në njoftim thuhet se pas gërmimeve në lokacionin Arbanë, Prizren, gjatë ditës, ekipet e Komisionit Qeveritar për Persona të Zhdukur, Institutit të Mjekësisë Ligjore dhe Drejtorisë së Policisë për Hetimin e Krimeve të Luftës, kanë vazhduar gërmimet edhe në lokacionin e varrezave në fshatin Prekaz, Skenderaj.