Stuhia “Florence” arrin në Karolinë të SHBA-së
14.9.2018 - 10:05
Uragani Florence ka nisur në bregun lindor të Shteteve të Bashkuara të Amerikës dhe ka arritur afër bregdetit të Karolinës, në Shtetet e Bashkuara, çka ka rezultuar me vërshime dhe mungesë të energjisë eletrike.
Nga sot pritet rritje e stuhive të rrezikshme në Karolinën Veriore dhe Jugore, pasi uragani lëviz drejt tokës me shpejtësi prej 150 km/h.
Më shumë se 100 mijë shtëpi tashmë janë pa energji, ndërsa kushtet e motit vazhdojnë të përkeqësohen.
Më shumë se një milion njerëz përgjatë brigjeve të Karolinës së Veriut, Karolinës së Jugut dhe Virxhinias janë urdhëruar që të evakuohen.