![](https://kallxo.com/wp-content/uploads/2016/03/opozita1111-e1457610053789.jpg)
Opozita Braktis Seancën e Sotme
10.3.2016 - 12:43
Deputetët e partive opozitare e kanë braktisur seancën e sotme të Kuvendit të Kosovës.
Pasi janë përpjekur ta pengojnë zhvillimin e seancës plenare me hedhje të gazit lotsjellës dhe me përdorim të dritës së laserit, dhe pas një fjalimi të deputetit të Lëvizjes Vetëvendosje, Ismajl Kurteshi, i cili u ka bërë thirrje kolegëve të pozitës të kontribuojnë në normalizimin e situatës në vend dhe ka kërkuar dorëheqjen e Qeverisë Mustafa, deputetët e LVV-së, AAK-së dhe Nismës për Kosovën, kanë braktisur seancën e sotme.
“Nuk kthehemi më sot”, ka thënë deputetja Shqipe Pantina teksa po dilte me kolegët e saj opozitarë nga ndërtesa e Kuvendit.