Kanosi policin përmes telefonit, arrestohet
06.12.2021 - 11:16
Është arrestuar një person pasi dyshohet se përmes telefonit e kishte kanosur zyrtarin policor.
Deri te kanosja është pasi zyrtari policor derisa kishte qenë në kryerje të detyrës e kishte ndaluar të dyshuarin derisa kishte qenë duke e drejtuar veturën pa patentë shofer dhe pa regjistrim dhe i kishte shqiptuar gjobë.
Ngjarja ka ndodhur në fshatin Senik të Komunës së Malishevës.
I dyshuari kur është arrestuar kishte qenë nën ndikim të alkoolit të cilit ju ka bërë matja dhe ka rezultuar 2.03 promilë.
Me vendim të prokurorit i dyshuari është dërguar në mbajtje për 48 orë.