Ajri i ndotur në Prishtinë më 03.12.2018 - Foto: KALLXO.com
Ajri në Prishtinë, në nivel të rrezikshëm
03.12.2018 - 20:34
Ajri i mbrëmjes së sotme del të jetë i rrezikshëm për qytetarët e kryeqytetit.
Sipas matjeve të orës 19:00 të cilësisë së ajrit nga matësit e Ambasadës Amerikane në Prishtinë, indeksi i cilësisë së ajrit del të jetë 493 e që cilësohet të jetë shumë i rrezikshëm për qytetarët.
Në bazë këtij niveli të ndotjes, rekomandohet që fëmijët dhe të rriturit me sëmundje të frymëmarrjes, si astma, duhet të kufizojnë qëndrimin e zgjatur në natyrë.
Rekomandohet mbajtja e dritareve të mbyllura si dhe përdorimi i maskave gjatë qëndrimit jashtë.
Pasditen e sotme sipas matjeve të orës 15:00 cilësia e ajrit u cilësua e pashëndetshme.
Prishtina gjithashtu ka indeksin më të lartë të ndotjes së ajrit në rajon.