Foto: RTV 21
Nuk Dihet nëse Ivanov do ta Nënshkruajë Ligjin për Gjuhët
12.1.2018 - 21:08
Presidenti i Maqedonisë Gjorgje Ivanov nuk i është përgjigjur sot insistimit të Televizionit 21, nëse do ta nënshkruajë Ligjin për Gjuhët.
Ky ligj u miratua dje në Parlamentin e Maqedonisë me abstenimin e deputetëve të VMRO DPMNE-së.
Nëse Ivanov nuk e nënshkruan ligjin, ai do t’i kthehet përsëri parlamentit në lexim të tretë.
Në fjalimin vjetor para deputetëve, Presidenti Ivanov Ligjin për Gjuhët që atëherë ende nuk ishte miratuar, e cilësoi në kundërshtim me kushtetutën.
Me ligj është paraparë që uniformat e policisë, zjarrfikësve dhe ato të personalet mjekësor të jenë edhe në gjuhën shqipe.
Gjuha shqipe nuk do të përdoret në uniformat e ushtrisë dhe në bankënota, por do të ketë edhe bankënota me elemente të kulturës shqiptare.