Foto: Premierliga/ Facebook
Xherdan Shaqiri shënon gol në fitoren e Liverpoolit (Foto)
05.12.2018 - 22:57
Liverpooli ka arritur që të shënojë fitore si mysafir me rezultat 3 me 1 ndaj Burnleyt, në kuadër të xhiros së 15-të në Premierligë.
Pjesa e parë përfundoi pa gola.
E pjesën e dytë ata që e nisën më mirë ishin vendasit, të cilët kaluan në epërsi me Jack Cork në minutën e 54’.
Liverpooli nuk u dorëzua dhe e barazoi rezultatin me mesfushorin anglez James Milner në minutën e 62’.
Skuadra e Jurgen Klopp kaloi në epërsi në minutën e 69’, më anë të sulmuesit Roberto Firmino.
Për rezultatin përfundimtar u përkujdes Xherdan Shaqiri në minutat shtesë të lojës, pas një asistimi të bukur nga Salah.
Pas kësaj fitoreje Liverpooli pozicionohet në vendin e dytë me 39 pikë, dy më pak se vendi i parë që i takon Manchester Cityt.