Bersant Celina, Swansea City
Futbollisti kosovar nënshkruan për klubin anglez
Futbollisti kosovar, Bersant Celina, ka nënshkruar kontratë katërvjeçare me klubin anglez Swansea City.
Lajmi është konfirmuar nga sajti zyrtar i klubit që sivjet bën gara në ligën e dytë angleze, Championship, pasi nuk mbijetoi në Premier League vitin e kaluar.
Mesfushori 22 vjeçar me tipare sulmuese nënshkroi për klubin nga Uellsi pas gjashtë viteve të kaluara në klubin kampion anglez, Manchester City, ndërsa disa vjet kishte kaluar i huazuar nëpër ekipe tjera.
It’s official! Welcome, Bersant! ⚪️⚫️#CroesoCelina ? pic.twitter.com/vgwFvg9zEO
— Swansea City AFC (@SwansOfficial) July 31, 2018
Së fundmi ai ishte i huazuar në Ipswich ku luajti 38 ndeshje dhe shënoi 8 gola.
Celina do të ketë mundësinë të debutojë për Swansea vikendin e ardhshëm në xhiron e parë të Championship kundër Sheffield United.
Deri tani, Celina ka luajtur 10 ndeshje për kombëtaren e Kosovës në futboll.
