Prokuroria Themelore në Pejë
Pejë, Prokuroria kërkon konfiskimin e zhitonave të bixhozit
08.8.2019 - 17:03
Prokuroria e Pejës sot ka dorëzuar kërkesën për konfiskim të 558 copë zhitona bixhozi, një palë letra bixhozi, një çip të shpërndarjes së letrave, një çante me 688 copë zhitona bixhozi, 5 pale letra bixhozi, dhe një fletoreje me disa shënime.
“Kërkesa për konfiskim është bere për shkak të veprës penale organizim i skemave piramidale dhe bixhozit, kundër te pandehurit E.SH”, thuhet ne përgjigjen e prokurorisë dhënë për Kallxo.com.
Sipas prokurorisë, kërkesës për konfiskim, i ka paraprirë urdhri verbal për sekuestrim të mjeteve në fjale, si pasojë e veprimtarisë se kundërligjshme, meqë brenda afatit ligjor prej 5 ditëve është parashtruar kërkesa për sekuestrim të përkohshëm drejtuar Gjykatës se Pejës.