VIDEO: Bllokohet nga uji nënkalimi te Stacioni i Autobusëve
18.7.2021 - 21:47
Si pasojë e reshjeve të dendura të shiut në Prishtinë sot pati vërshime në shumë pjesë të kryeqytetit.
Një pjesë që u godit rëndë është edhe lagjja Dardania.
Nënkalimi që çon te Stacioni i Autobusëve është mbuluar tërësisht nga uji, duke pamundësuar qarkullimin e qytetarëve dhe autobusëve.
Ky nënkalim përballet me situata të ngjashme sa herë ka reshje.
Një qytetar ka dërguar pamje nga kjo zonë.
Sipas qytetarit në vendin e ngjarjes janë parë edhe ekipet e zjarrfikësve.
