Foto: Urim Krasniqi/KALLXO.com
Vetëvendosje në Lipjan e kandidon për kryetar Adnan Rrustemin
14.8.2021 - 20:40
Lëvizja Vetëvendosje në Lipjan e ka kandiduar për kryetar të kësaj komune, Adnan Rustemin.
Kështu kanë votuar sot strukturat e qendrës së LVV-së në Lipjan.
“Jemi të nderuar që kandidat për Kryetar të Lipjanit nga radhët e Lëvizjes VETËVENDOSJE! të jetë deputeti Adnan Rrustemi më të cilin me 17 tetor do t’i japim Lipjanit një kryetar të përgatitur e të përkushtuar”, thuhet në njoftimin e tyre.
Adnan Rrustemi aktualisht është deputet i Kuvendit të Kosovës.
Më herët ai ka qenë edhe anëtar i KQZ-së nga radhët e LVV-së.
Komuna e Lipjanit tash e dy mandate udhëhiqet nga Imri Ahmeti, që vjen nga LDK.
Zgjedhjet lokale do të mbahen më 17 tetor të këtij viti.